ஜப்பானில் இருந்து திரும்பும் போதும் , போகும்போதும் சில மணி நேரங்கள் இங்கு காத்திருக்க வேண்டும் .
விமானநிலையம் மட்டுமல்ல ... மாபெரும் வணிக வளாகம் .
உலகின் எல்லா நாட்டு உணவு வகைகளும் கிடைக்கும் .
தரமான , சுத்தமான , கலப்படமில்லாத உணவு ...
வாசிக்க ஏராளம் சஞ்சிகைகள் , புத்தகங்கள் .
ஒரு வாசலில் இருந்து இன்னொரு வாசலுக்கு சில கிலோமீட்டர் இடைவெளி தூரம் இருக்கிறது .
ஆனால், அனைத்து வசதிகளும் செய்யப்பட்டுள்ளது .
பயணிகளின் சுகமான பயணத்திற்காக ...
தரையோடு நகரும் நடைபாதை , மின்தூக்கிகள் , தூய்மையான கழிப்பறைகள் , எஸ்கலேட்டர்கள் , பேட்டரி கார்கள் ... சொல்லி முடியாது ... அத்தனை தூய்மை .
1200 ஹெக்டேருக்கும் அதிகமான பரப்பளவில் , 100 க்கும் அதிகமான விமான நிறுவனங்களின் விமானங்கள் , 220 க்கும் குறையாத விமான நிலையங்களுக்கு , பல்லாயிரக்கணக்கான பயணிகளுடன் இருபத்துநான்கு மணி நேரமும் பரபரப்பாக இயங்கும் விமானநிலையம் .
உலகின் தலைசிறந்த விமான நிலையங்களில் ஒன்று . அதனை நிர்வகிக்கும் மனிதர்கள் , யாராக இருந்தாலும் பாராட்டுதலுக்கு உரியவர்கள் .
இணைந்து செயலாற்றும் திறன் இன்றி , இது எதுவும் சாத்தியமில்லை .
