"இருப்பிடம்"

கழுத்தறுத்தாய்

பின்னிருந்து...

நீ அறுப்பதற்கு இசைவாகக் கழுத்தை சாய்த்துக் கொடுத்தேன் என்பது உனக்குத் தெரியுமா ?

நீ பற்றிக்கொண்டு போவதற்கு ஏதுவாக

நொடிகளின் இடைவெளிகளின் இடைவெளிகளில்

என் தலைமுடி வளர்ந்தது உனக்குத் தெரியுமா ?

சிந்துகிற குருதி உன் கால்களில் பட்டுவிடக் கூடாதென்பதற்காக அறுபட்ட கழுத்தின் தசைகள் துடித்தது உனக்குத் தெரியுமா ?

நீ அறுப்பதற்கு முந்தைய கணங்களிலேயே

என் சிந்தனையின் இருப்பிடத்தை

இடம் மாற்றிக் கொண்டது உனக்குத் தெரியுமா ?

கழுத்தறுபட்ட பின்னும் கைகள் எழுதுவதைப்

பார்த்திருக்கிறாயா?

பார்.

-ப்ரகலாதன்

(பாரதி கிருஷ்ணகுமார் )